"Валенсия"нинг ёрдамчи мураббийи Рубен Урия Испания чемпионатининг 13-турида "Барселона" билан қайд этилган дуранг (1:1) ҳақида фикр билдирётиб, Лионель Мессининг ҳисобга олинмаган голига тўхталди.
Бу учрашувда Урия дисквалификацияга учраган Марселино Торалнинг вазифасини бажарди.
"Дунёнинг энг яхши жамоаларидан бирига қарши кўп куч сарфладик. Иккинчи бўлим биз учун яхши ўтди. БУ натиа билан ҳаммани, айниқса, мухлисларимизни табриклайман.
Ҳисобга олинмаган гол? Бу менга ўтирган жойимдан кўринмади. Айтишларича, гол бўлган эмиш... Гол ҳисобга олиниши учун ҳакам уни аниқ кўриши керак. Демак, қанот ҳаками буни яхши кўрмаган. Биз видеотакрорларни қўллаб-қуватлаймиз. Баҳсли вазиятлар "Барселона"да ҳам, "Валенсия"да ҳам ва бошқа жамоаларда ҳам бўлиши мумкин", - дейди Урия.
