Бугун Россия пойтахти Москва шаҳрида 2018-йилги Жаҳон чемпионатига қуръа ташлаш маросими бўлиб ўтади.
Москвадаги Кремль саройида ўтадиган тадбир Тошкент вақти билан 20:00да бошланади. UZREPORT TV ва FUTBOL TV телеканаллари эса мазкур қуръа жарайонини жонли эфирда сизга намойиш этади. Футбол оламидаги энг муҳим воқеани биз билан бирга томоша қилинг!
Мундиалга йўлланма олган 32та терма жамоа октябрь ойидаги ФИФА рейтингига асосан 4та саватчага ажратилди. Мезбон яъни Россия терма жамоаси ўз ўзидан биринчи саватчадан жой олди.
Ҳар бир гуруҳдан бир қитъадан фақат биттадан жамоа жой олади. Фақат Европа қитъаси бундан мустасно. Битта гуруҳда Европадан максимум иккита жамоа бўлиши мумкин.
Сиз ушбу тадбир давомида футбол оламидаги таниқли футболчиларни ҳам томоша қилишнгиз мумкин. Маълумотларга кўра, бугун бўлиб ўтадиган ушбу маросимда Пеле, Роналдиньо, Роналдо, Дидье Дрогба, Самуэль Это’О, Кларенс Зеедорф, Али Даи, Лотар Маттеус, Карлос Пуйоль, Фабио Коннаваро, Кафу ва яна бир қанча футбол афсоналари ташриф буюриши кутилмоқда.
