"Милан"нинг Италия чемпионатида ишлари юришмаяпти. "Россонери" 15-турда очко йўқотди. Боз устига, ушбу мавсумда ҳали бирор очкони қўлга кирита олмаган "Беневенто" "Милан"га қарши ўйиннинг сўнгги дақиқаларида мағлубиятдан қутулиб қолди. Бу ишни эса дебютант жамоа дарвозабони амалга оширди.

Женнаро Гаттузонинг дебют баҳси "Милан" учун яхши кечаётганди. Бонавентура биринчи бўлимда "россонери"ни ҳисобда олдинга олиб чиқди. Иккинчи бўлимда мезбонлар ҳисобни тенглаштиришди, аммо Калинич тезда яна миланликларни олдинга олиб чиқди.

Ўйин тугашига 15 дақиқа қолганида Романьоли иккинчи сариқ карточкани олиб, майдонни тарк этди. Сон жиҳатдан устунликка эга бўлган "Беневенто" бор кучи билан олдинга ташланди. Учрашувга қўшиб берилган 5 дақиқада улар жарима зарбасини тепиш ҳуқуқини қўлга киритишди. Етказиб берилган узатмани "Беневенто" посбони бош билан "Милан" дарвозасига жойлаб қўйди.

Шу тариқа, "Беневенто" мавсумдаги илк очкосини қўлга киритди. "Милан" эса муҳим 2 очкодан маҳрум бўлди.

Италия А серияси, 15-тур
Беневенто – Милан 2:2 (0:1, 2:1)
Голлар: 0:1 – 38 Бонавентура, 1:1 – 50 Пушкаш, 1:2 – 57 Калинич, 2:2 – 90 Бриньоли.
Беневенто – Бриньоли, Гимсити, Ди Кьяра (Гьямфи, 79), Летициа, Коста, Катальди, Чибса, Д'Алессандро, Мемушай (Кода, 80), Париджини (Бриньола, 67), Пушкаш.
Милан – Доннарумма, Бонуччи, Романьоли, Родригес, Мусаккьо, Бонавентура, Кессиэ, Борини (Абате, 60), Монтоливо (Биглия, 73), Сусо (Сапата, 87), Калинич.
Огоҳлантиришлар: Романьоли (24), Катальди (29), Ди Кьяра (54), Родригес (71), Кессиэ (89), Абате (90), Д'Алессандро (90).
Четлатиш: Романьоли (75).