Ўзбекистон ёшлар терма жамаосининг собиқ ўйинчиси, "Ювентус" ва Италиянинг бир қатор клубларида тўп сурган ҳамюртимиз Илёс Зейтуллаев россиялик журналист Денис Роменцевга берган интервьюсида ўз вақтида ёши кичрайтирилганини тан олди.

- Бир неча йил аввал сизнинг ёшингиз аслида каттароқ ва 1984 йилдан аввал туғилганингиз ҳақида миш-мишлар тарқалган эди.

- Ҳа, ҳаётимда қўпол хатоларга йўл қўйганман, менинг туғилган йилимни ўзгартиришган, аммо у вақтда бу нарсани англамаган жуда ёш бола эдим. Мен вояга етмаган эдим. Мен 7-8 яшар эдим. Ҳақиқатни айтар эканман, ёш футболчилар буни такрорламасликларни истардим. Ёш ўзгартириш - бутун постсовет мамлакатлари футболи учун катта минус. Бу нотўғри нарса - чунки бутун умр ўзингдан кичиклар билан ўйнайсан, ўсмайсан. Сен қандайдир ўсмирлар мусобақасида ғолиб чиқишинг мумкин аммо яхши футболчи бўлиб етишмайсан. Алдов билан узоқ муддатли зафарларга эришолмайсан.

- Ёшингиз неча йилга ўзгартирилган?

- Икки йилга. Буни тан олишдан қўрқмайман. Одамлар "ақлдан оздингми, нега буни айтдинг" дейишлари мумкин. Аммо мен ўз мисолимда футболимизга яхши таъсир қилмоқчиман. Одамлар мен ҳақимда нималар дейишларининг қизиғи йўқ. Ўғлим катта бўлса отасининг обрўси булғанмасин.

Ҳар бир инсонда айтар гап бўлади. Аммо қўрқув туфайли айтмайди, чунки уни қамашлари ва устидан кулишлари мумкин. Ҳамма дунё бузилиб кетяпти деб гапиради, аммо ҳеч ким бунга қарши ҳаракат қилмайди. Ҳар бир инсонда ички ўзгаришлар бўлиши керак. Шунда атрофимиздаги дунё ўзгаради, - дейди Зейтуллаев.