O‘zbekiston yoshlar terma jamaosining sobiq o‘yinchisi, "Yuventus" va Italiyaning bir qator klublarida to‘p surgan hamyurtimiz Ilyos Zeytullayev rossiyalik jurnalist Denis Romensevga bergan intervyusida o‘z vaqtida yoshi kichraytirilganini tan oldi.

- Bir necha yil avval sizning yoshingiz aslida kattaroq va 1984 yildan avval tug‘ilganingiz haqida mish-mishlar tarqalgan edi.

- Ha, hayotimda qo‘pol xatolarga yo‘l qo‘yganman, mening tug‘ilgan yilimni o‘zgartirishgan, ammo u vaqtda bu narsani anglamagan juda yosh bola edim. Men voyaga yetmagan edim. Men 7-8 yashar edim. Haqiqatni aytar ekanman, yosh futbolchilar buni takrorlamasliklarni istardim. Yosh o‘zgartirish - butun postsovet mamlakatlari futboli uchun katta minus. Bu noto‘g‘ri narsa - chunki butun umr o‘zingdan kichiklar bilan o‘ynaysan, o‘smaysan. Sen qandaydir o‘smirlar musobaqasida g‘olib chiqishing mumkin ammo yaxshi futbolchi bo‘lib yetishmaysan. Aldov bilan uzoq muddatli zafarlarga erisholmaysan.

- Yoshingiz necha yilga o‘zgartirilgan?

- Ikki yilga. Buni tan olishdan qo‘rqmayman. Odamlar "aqldan ozdingmi, nega buni aytding" deyishlari mumkin. Ammo men o‘z misolimda futbolimizga yaxshi ta’sir qilmoqchiman. Odamlar men haqimda nimalar deyishlarining qizig‘i yo‘q. O‘g‘lim katta bo‘lsa otasining obro‘si bulg‘anmasin.

Har bir insonda aytar gap bo‘ladi. Ammo qo‘rquv tufayli aytmaydi, chunki uni qamashlari va ustidan kulishlari mumkin. Hamma dunyo buzilib ketyapti deb gapiradi, ammo hech kim bunga qarshi harakat qilmaydi. Har bir insonda ichki o‘zgarishlar bo‘lishi kerak. Shunda atrofimizdagi dunyo o‘zgaradi, - deydi Zeytullayev.