Шу йилнинг 4 декабрь куни пойтахтимиздаги “Бунёдкор” стадионида “Бунёдкор” ва “Локомотив” жамоалари ўртасида Ўзбекистон Кубоги финали бўлиб ўтди.
Учрашув пайтида 34 минг мухлисга мўлжалланган “Бунёдкор” стадиони ишқибозлар билан тўлиб-тошди. Бу ҳолат юртимизда ўзбек футболига мухлислар томонидан бўлган қизиқишнинг яна ошаётганидан дарак беради.
Илк бора Ўзбекистон Кубоги финали олдидан ўзига хос шоу уюштирилиб, стадионга йиғилган мухлислар учун Ўзбекистон Футбол Федерацияси томонидан ҳақиқий байрам ташкил этилди.
Шоу-дастурда ўзбек эстрадасининг таниқли вакиллари – Шаҳзода, Райҳон, “Уммон”, “Беном”, Шаҳриёр, Рухшона каби эстрада юлдузларининг иштироки учрашув олдидан мухлисларга кўтаринки кайфият бахш этди. Ўз ўрнида Ўзбекистон Футбол Федерацияси шоу дастурини ташкил этишда кўрсатган амалий ёрдами учун Ўзбекистон Маданият вазирлигига ўз миннатдорчилигини билдиради.
Шу йилнинг 25 ноябрь куни Япониянинг Сайтама шаҳрида ОЧЛ финали бўлиб ўтган ва бу финал учрашувини ПФЛ бош директори Омон Ғофуров бевосита стадиондан кузатиб борган эди. Омон Ғофуров ОЧЛ финали каби нуфузли мусобақаларни ташкил этиш тажрибасини ўрганиб, бу тажрибани юртимизда ҳам қўллаш мақсадида Ўзбекистон Кубоги финалини катта шоу тариқасида ўтказишга қарор қилинди.
Мухлисларни стадионда хурсанд қилиш мақсадида Ўзбекистон Футбол Федерацияси томонидан копток ва шарфлар совға тариқасида тарқатилди. Мухлисларнинг эмоцияларга берилиб, ўйин якунига етганидан сўнг “Локомотив” клуби футболчиларини табриклаш мақсадида майдонга чиқиб кетиши каби вазиятлар футболи ривожланган давлатларда ҳам учраб турадиган ҳолат ҳисобланади.
Финал учрашувини ОФК президенти Шайх Салмон бин Иброҳим ал-Халифа бевосита стадиондан кузатиб борди. ОФК Президенти муросасиз кечган финал ўйинидан катта таассурот олганини таъкидлаб, малакатимизда мухлисларнинг футболга бўлган қизиқиши юқори эканини қайд этиб ўтди.
Ўзбекистон Футбол Федерацияси келаси мавсумдаги учрашувларни ҳам кўтаринки кайфиятда, ҳақиқий байрам тарзида ўтказиб, футбол мухлисларини хурсанд қилиш йўлидаги саъй-ҳаракатларини давом эттиради.
Мухлисларни эса стадионларга чорлаб қоламиз!
| 12/05 00:00 | Тоттенхэм | 1-1 | Лидс | ||
| 12/05 00:00 | Райо Вальекано | 1-1 | Жирона | ||
| 12/05 22:00 | Сельта | 2-3 | Леванте | ||
| 12/05 23:00 | Бетис | 2-1 | Эльче | ||
| 13/05 00:30 | Осасуна | 1-2 | Атлетико | ||
| 13/05 22:00 | Эспаньол | - | Атлетик Бильбао | ||
| 13/05 22:00 | Вильярреал | - | Севилья | ||
| 14/05 00:00 | Манчестер Сити | - | Кристал Пэлас | ||
| 14/05 00:30 | Алавес | - | Барселона | ||
| 14/05 00:30 | Хетафе | - | Мальорка | ||
| 14/05 22:00 | Валенсия | - | Райо Вальекано | ||
| 14/05 23:00 | Жирона | - | Реал Сосьедад |
«Бунёдкор» стадионида бўлиб ўтган Ўзбекистон Кубоги финал ўйини юзасидан Ўзбекистон Футбол Федерациясининг баёноти
| Баҳо: |
+1 | -
|
Рукн: Янгиликлар
Манба: the-uff.com
Киритилди: 20:51, 05.12.2017.
Ўқилди: 10428 марта.
Фикрлар: 11 та.
Ўқилди: 10428 марта.
Фикрлар: 11 та.
ЭНГ КЎП ЎҚИЛГАН ЯНГИЛИКЛАР
«Реал» ичидаги «сотқин» топилди: Перес маълумот сиздирган шахс ҳақида гапирди [4444]
"Реал" Моуриньо олдига кутилмаган талаб қўйди [4171]
Геҳи Ҳусанов билан бирга ўйнаш ҳақида фикр билдирди [2430]
Роналду «Ан-Наср»нинг муддатидан аввал чемпионликни қўлдан чиқаришига муносабат билдирди [2254]
Мадридда шошилинч йиғилиш: Флорентино Перес муҳим баёнот билан чиқиш қилади [2098]
Фабио Каннаваро 2026 йилги ЖЧнинг 5 та асосий фаворити қайси жамоалар эканини айтди [1991]
Лионель Мессининг «Интер Майами»даги маоши маълум бўлди [1936]
| Асосий сахифа |
|
© STADION.UZ Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт. Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар. |
|
|