Бугун — 8 декабрь, Ўзбекистон Республикасининг Конституцияси қабул қилинган кун.
Конституция бизнинг Бош қомусимиз. Конституциямиз асосида мамлакатимизда миллий қонунчилик тизими, давлат органлари, фуқаролик жамияти институтлари шаклланди.
Бугунги кунда барча жабҳаларда, шу жумладан, Ўзбекистон Футбол Федерацияси тизимида, ўзбек футболида кенг кўламли ислоҳотлар амалга оширилмоқда. Буларнинг барчаси, энг аввало, Бош қомусимизнинг ҳаётбахш куч-қудрати натижасидир.
Ўзбекистон Футбол Федерацияси фурсатдан фойдаланиб Ўзбекистон Республикаси Конституцияси қабул қилинганининг 25 йиллиги муносабати билан барча юртошларимизни табриклайди. Улар сиҳат-саломатлик, оилавий хотиржамлик, фаровон ҳаёт тилаб қолади.
