Мадриднинг “Реал” клуби бош мураббийи Зинедин Зидан ЕЧЛнинг 6-тури доирасида “Боруссия”га қарши учрашув ҳақида ўз фикрларини билдириб ўтди.
“Ишончим комил, февраль ойига “Реал” олдинги ҳолатига қайтиб олади. Плей–оффда ким тушишини фарқи йўқ.
Варан жароҳат орттириб олди, биз тиббий кўрик натижаларини кутяпмиз. Рафаэль жароҳатини оғир эмаслигини айтди, лекин у шанба кунги ўйинга аниқ тушмайди. Кейлор Навас яхши ўйин кўрсатди.
Бизни иҳтиёримизда икки нафар дарвозабон бор. Уларнинг иккисидан ҳам кўнглим тўқ.
ЕЧЛда учинчи ғалаба? Ҳозирча бу ҳақида ўйламаяпмиз ҳам. Мақсадимиз плей – оффга чиқиш эди ва бунга эришдик.
Бор диққатимизни Ла-лига ва клублар ўртасидаги мусобақага қаратишимиз керак. ЕЧЛ ҳақида ўйлашга вақтимиз ҳали кўп бўлади”, - дейди Зидан.
