Дортмунднинг “Боруссия” клуби янги бош мураббийи Петер Штегер янги лавозимга тайинлангандан сўнг ўз фикрларини билдириб ўтди.
“Бу каби клуб ва стадионда ишлашдан жуда ҳам хурсандман. Бугун ва эртага илк машғулотларни ўтказамиз, кейин эса “Майнц”га қарши учрашув бизни кутиб турибди. Ҳозир мен жамоа раҳбарияти ва футболчилари билан яқинроқ танишиб олишим керак.
Жамоа раҳбарияти мен учун янги имконият тақдим этганидан миннатдорман. Мавсум сўнгига қадар ўзимнинг энг кучли томонларимни кўрсатмоқчиман. Бу чақирув мен учун кутилмаган ва ўзгача бўлди. Бундай имконият инсонга ҳаётда бир марта берилади”, – дейди Штегер.
