Хабарингиз бор, ортда қолган ҳафтада Европа чемпионлар лигаси турнирининг сўнгги - 6-тур учрашувлари бўлиб ўтди.
«Ҳечдан кўра кеч» деганларидек бугун анашу баҳсларда ўрнатилган рекордлар ва турли фактларни эътиборингизга ҳавола этишни лозим топдик.
11 - «Барселона» кетма-кет 11-марта гуруҳ раундини 1-ўринда якунлади - бу турнир тарихидаги рекорддир.
19 - «Реал» тўпурари Криштиану Роналду жорий йил давомида ЧЛ ўйинларида нақ 19та гол уриб, бу борада турнир рекордчисига айланди. Аввалги энг яхши кўрсаткич ҳам айнан португалияликка тегишли эди - 2015 йили 16та гол.
Умуман, Криштиану «Реал» либосида ЧЛда 94-марта майдонга тушиб, 99-голини нишонлади. Қолаверса, у гуруҳ босқичи доирасидаги 6та ўйинда ҳам гол уриб, бундай натижага эришган биринчи футболчи бўлди.
25 - «Бавария»га 1:3 ҳисобида ютқазган «ПСЖ» гуруҳ босқичида кўп гол уриш бўйича рекордчига айланди - 6та ўйинда 25та (1та ўйинда ўртача 4,2та). Аввалги рекорд мавсум- 2016|2017да «Боруссия» Д. томонидан қайд этилганди - 21та гол.
100 - «Манчестер Сити» бош мураббийи Хосеп Гвардиола «Шахтёр»га қарши ўйинда ЧЛдаги 100-ўйинини нишонлади. 100та ўйиндан 61тасида ғалабани таъминлаган испаниялик мураббий бу оралиқда 2 марта бош соврин ютди.
Умуман, 46 ёшли мутахассис 100та ўйин маррасига етган 6-мураббийдир. Гвардиолагача Алекс Фергюсон, Арсен Венгер, Карло Анчелотти, Жозе Моуриньо ва Мирча Луческу ўз клубларини ЧЛда 100 марта майдонга бошлаб тушишганди.
121 - Лионель Месси ЧЛда 121-марта майдонга тушиб, бу борада Жанубий америкалик футболчилар орасида яққол пешқадамга айланиб олди. Хуллас, у 120та ўйинда иштирок этган Роберто Карлос (Бразилия)ни соф 2-ўринга суриб қўйди.
АПЛ важоҳати
ЧЛ тарихида илк марта битта мамлакатнинг 5та жамоаси «плей-офф»да иштирок этади. Чунончи, АПЛ вакиллари - «Ливерпуль», «Манчестер Сити», «МЮ» ва «Тоттенхэм» ўз гуруҳларида ғолиб чиқишди, «Челси» эса квартетда 2-ўринни эгаллади.
Бундан аввал ЧЛ 1|8 финалида битта мамлакатнинг 4 жамоаси ўйнаши 12 марта кузатилганди (Англия - 6 марта, Испания - 4 марта ва Германия - 2 марта).
ТЕХНИК КЎРСАТКИЧЛАР
Дарвоза томон аниқ зарбалар сони бўйича етакчи футболчилар: ДАВОМИ
