“Лацио” раҳбарияти Италия чемпионатини тарк этиш вариантини кўриб чиқмоқда. Бунга А сериянинг 16-туридан ўрин олган “Торино”га қарши ўйиндаги бош ҳакам Пьеро Жакомеллининг қарорлари сабаб бўлган. Рим клуби президенти Клаудио Лотитонинг фикрича, ҳакамлар туфайли “Лацио” мавсумни кучли тўртлик сафида тугата олмаслиги мумкин.
“Торино”га қарши ўйинда ҳакам “Лацио” фойдасига пеналти белгиламаган, чунки тўп туринликлар футболчисининг қўлига теккан. Кейин эса ҳакам рақиб футболчиси билан тўқнашгани учун Иммобилени майдондан четлатганди.
Ўйиндан кейин “Лацио” устози Симоне Индзаги айтдики, “Лацио”нинг мавсумни кучли тўртлик сафида якунлаши кимларгадир ёқмаяпти.
