“Бавария” жамоаси бош мураббийи Юпп Хайнкес Бундеслиганинг 16-туридан ўрин олган “Кёльн”га қарши учрашув олдидан ўз фикрларини билдириб ўтди.

“Биз қандай вазият содир бўлишидан қатъий назар, “Кёльн”нинг кучига шубҳа билан қарамаяпмиз.

Айниқса уларда малакали мутахассис иш бошлади. Штефан Рутенбек жамоада кўп нарсани ўзгартирди.

У жамоага уч ҳимоячи билан ўйнаш ва актив прессинг қилиш билан бирга ҳужумкор футбол услубини олиб кирди.

Биз бу ўйинга қолган ўйинларга қандай тайёргарлик кўрган бўлсак, мана шундай юқори тайёргарлик кўрамиз”, — дейди Хайнкес.

Маълумот учун, “Бавария” – “Кёльн” учрашуви эртага Тошкент вақти билан 00:30 да бошланади.