Россиянинг “Зенит” клуби ҳимоячиси Эммануэль Маммана Veja матбуотига берган интервьюсида ўзининг Аргентина терма жамоадаги фаолияти ҳақида ҳамда ҳамюрти Лео Месси ҳақида ўз фикрларини билдириб ўтди.
Ўзининг ўйин услуби ҳақида:
“Профессионал фаолиятимни “Ривер Плейт” клубида ярим ҳимоячи ампуласида бошлаганман. Клуб мураббийлар штаби мени марказий ҳимояда синаб кўришмоқчи эканлигини таъкидлашди.Мен уларнинг маслахатларига қулоқ тутдим ва ўз ўрнимга эга бўлдим. Мени энг қойил қолдирган футболчи бу - Карлес Пуйоль бўлган. Ажойиб футболчи ҳаққоний сардор, ҳимоячилар қироли десам ҳам бўлади. Ҳозир эса ҳимояда Варан, Серхио Рамос ва Пике энг яхшилари десам муболаға бўлмайди”.
Аргентина терма жамоаси ҳақида:
“Жаҳон чемпионатида қатнашишга умид қиламан. Аммо, термада менданкучли ҳимоячилар ҳам бор. Агар, орзуим амалга ошмаса, ўз устимда ишлашда давом этаман”
Месси ҳақида:
“Месси ҳақиқатдан ҳам жуда оқкўнгил йигит ва ҳақиқий етакчи. У жамоасида ҳам, термада ҳам ўзини яхши ҳулқ атвори билан бошқалардан ажралиб туради. Менимча, уни ўрнида бошқа киши бўлганида еттинчи осмонда юрган бўларди, лекин Лео камтарин ва ҳамма билан тез чиқишиб кетади”.
