«Арсенал» клубининг энг омадли мураббийи Арсен Венгернинг футбол оламида ўз ўрни бор. Унинг энг сара фикрлари билан қуйида танишишингиз мумкин.
- Ҳар ким уйидаги хотинини ўзича чиройли, деб ўйлайди (2002 йили Сер Алекс МЮни Англияда энг яхшиси деб айтгани ҳақида).
- Ҳакамлар чегарадан чиқиб кетишаяпти. Худо ҳаққи жорий мавсумда бизга кўрсатилган 9 та қизил карточкадан тенг ярмига муносиб эдик, холос (АПЛ ҳакамларини шундай «мақтаганди»).
- Мен ақл бовар қилмас даражада омадлиман. Дастлаб «Монако»да 7 йил ишладим, мана энди «Арсенал»даман - 21 йилдан буён. Хуллас, омадим чопган - ишониш мумкин бўлган яхши инсонларни учратганман (Узоқ йиллик фаолияти ҳақида).
- Жамоа мухлислари учун йирик ҳаридлар совринлардан ҳам мухимроқ эканлиги мени ажаблантирди. «Реал» раҳбарияти одатда бирор-бир суперюлдузни сотиб олиб, мухлисларни тинчлантиришади. Бироқ вақт ўтгани сайин шу туфайли жамоага нисбатан босим кучаяди. Етакчи клуб бўлганидан сўнг натижа бериши карак-да. Лекин «Реал» 6 йилдан буён ЧЛнинг 1/8 финалидан чиқиб кетмоқда. Жамоа шунчалар кучсиз («Реал»нинг сиёсати ҳақида, 2009-йил).
- Глебнинг жамоамизда қолишига ишонаман. Давогар клуб уни шунчаки сотиб ололмайди. Мен Глебни олиб қолиш учун ҳар ким билан судлашишга тайёрман. Мабодо, давогарлар бўлса, марҳамат, узоқ давом этадиган судга тайёргарлик кўраверишсин (Александр Глеб ҳақида).
- Мессининг бажараётган ишларини ...
