Испания чемпионати 16-туридан ўрин олган «Барселона» ҳамда «Депортиво» ўртасидаги учрашув ўз поёнига етди.

Кутилганидек мезбонлар устунлигида кечган ўйин ?:? ҳисобида якунланди. 29-дақиқада Иньеста-Месси-Суарес комбинацияси чиройли гол билан якунланди ва ҳисоб очилди.

41-дақиқага келиб Месси томонидан йўлланган зарба дарвоза тўсинига тегиб Паулиньога бориб тушди ва бразилиялик футболчи орадаги фарқни иккитага етказди.

Биринчи бўлимга ҳакам томонидан қўшиб берилган дақиқаларда Суарес чиройли зарбаси билан дубль қайд этганди, афсуски, ҳакамлар бу вазиятда голни инобатга олишмади.

Аниқроғи, тўп чизиқни кесиб ўтмади деган қарорга келишди. Шу тариқа биринчи 45 дақиқалик 2:0 ҳисобида якунланди.

Иккинчи бўлимнинг бошида эса Луис Суарес барибир ўз мақсадига эришди ва Серхи Робертонинг узатмасини гол билан якунлаб, ҳисобни йириклаштирди.

Бу орада Лионель Месси битта пенальтидан унумли фойдалана олмади, жаримадан йўллаган зарбаси ва бошқа бир қатор зарбалари тўсинга тегиши ёки дарвозабоннинг ажойиб ҳаракатлари эвазига голга айланмади. Умуман олганда бу учрашувда аргентинатик юлдуздан очиқчасига омад юз ўгирди.

75-дақиқада эса Паулиньо дубль қайд этиб, ҳисобни 4:0 кўринишига келтирди.

Шу тариқа каталонияликлар эль-класико олдидан ўз ҳисобидаги очколари сонини 3тага кўпайтириб олишди.

ЛА-ЛИГА. 16-ТУР

БАРСЕЛОНА – ДЕПОРТИВО 4:0 (2:0)

17 декабрь, «Камп Ноу»

Голлар: 1:0 – 29 Суарес, 2:0 – 41 Паулиньо, 3:0 – 47 Суарес, 4:0 – 75 Паулиньо.

Барселона: тер Стеген, Вермален, Пике, Альба (Динь, 81), Серджи Роберто, Ракитич, Паулиньо, Иньеста (Андре Гомеш, 56), Пако Алькасер (Алеиш Видаль, 23), Месси, Суарес.

Депортиво: Мартинес, Сидней, Наварро, Хуанфран, Шер, Хиль (Борха Валье, 84), Гильерме (Вальверде, 63), Борхес, Чолак (Баккали, 63), Адриан, Перес.

Огоҳлантириш: Шер (32).