Ispaniya chempionati 16-turidan o‘rin olgan «Barselona» hamda «Deportivo» o‘rtasidagi uchrashuv o‘z poyoniga yetdi.
Kutilganidek mezbonlar ustunligida kechgan o‘yin ?:? hisobida yakunlandi. 29-daqiqada Inyesta-Messi-Suares kombinasiyasi chiroyli gol bilan yakunlandi va hisob ochildi.
41-daqiqaga kelib Messi tomonidan yo‘llangan zarba darvoza to‘siniga tegib Paulinyoga borib tushdi va braziliyalik futbolchi oradagi farqni ikkitaga yetkazdi.
Birinchi bo‘limga hakam tomonidan qo‘shib berilgan daqiqalarda Suares chiroyli zarbasi bilan dubl qayd etgandi, afsuski, hakamlar bu vaziyatda golni inobatga olishmadi.
Aniqrog‘i, to‘p chiziqni kesib o‘tmadi degan qarorga kelishdi. Shu tariqa birinchi 45 daqiqalik 2:0 hisobida yakunlandi.
Ikkinchi bo‘limning boshida esa Luis Suares baribir o‘z maqsadiga erishdi va Serxi Robertoning uzatmasini gol bilan yakunlab, hisobni yiriklashtirdi.
Bu orada Lionel Messi bitta penaltidan unumli foydalana olmadi, jarimadan yo‘llagan zarbasi va boshqa bir qator zarbalari to‘singa tegishi yoki darvozabonning ajoyib harakatlari evaziga golga aylanmadi. Umuman olganda bu uchrashuvda argentinatik yulduzdan ochiqchasiga omad yuz o‘girdi.
75-daqiqada esa Paulinyo dubl qayd etib, hisobni 4:0 ko‘rinishiga keltirdi.
Shu tariqa kataloniyaliklar el-klasiko oldidan o‘z hisobidagi ochkolari sonini 3taga ko‘paytirib olishdi.
LA-LIGA. 16-TUR
BARSELONA – DEPORTIVO 4:0 (2:0)
17 dekabr, «Kamp Nou»
Gollar: 1:0 – 29 Suares, 2:0 – 41 Paulinyo, 3:0 – 47 Suares, 4:0 – 75 Paulinyo.
Barselona: ter Stegen, Vermalen, Pike, Alba (Din, 81), Serdji Roberto, Rakitich, Paulinyo, Inyesta (Andre Gomesh, 56), Pako Alkaser (Aleish Vidal, 23), Messi, Suares.
Deportivo: Martines, Sidney, Navarro, Xuanfran, Sher, Xil (Borxa ValYE, 84), Gilyerme (Valverde, 63), Borxes, Cholak (Bakkali, 63), Adrian, Peres.
Ogohlantirish: Sher (32).
