Мавсум давомидаги 233та ўйинда 59та гол захирадан майдонга тушган футболчилар ҳисобига ёзилди. Бу чемпионатда қайд этилган жами голларнинг 9,85 фоизига тенгдир.
Эътиборли тарафи, «Пахтакор» захираси 10-турга келибгина самара берган бўлса, «Бунёдкор»нинг ўйинни ўриндиқда бошлаган вакиллари илк голни янада кечроқ уришди - 14-турда.
«Металлург»да эса 26-турдагина илк «жокер» кўзга ташланди. Умуман, чемпионат давомида атиги битта клуб - «Қизилқум»нинг захира футболчилари гол ура олишмади.
*** «Жокер»лар томонидан урилган 59та голнинг турлар бўйича тақсимоти қуйидагича: 1-тур - 1та; 2-тур - 4та; 3-тур - 2та; 4-тур - 5та; 5-тур - 1та; 6-тур - 4та; 7-тур - 0; 8-тур - 5та; 9-тур - 1та; 10-тур - 2та; 11-тур - 3та; 12-тур - 2та; 13-тур - 4та; 14-тур - 2та; 15-тур - 4та; 16-тур - 3та; 17-тур - 1та; 18-тур - 0; 19-тур - 0; 20-тур - 2та, 21-тур - 1та; 22-тур - 0; 23-тур - 0; 24-тур - 3та; 25-тур - 0; 26-тур - 4та; 27-тур - 2та; 28-тур - 1та; 29-тур - 0; 30-тур - 2та. Демак, захира футболчилари биринчи даврада кўпроқ самара келтиришган - 40та гол.
*** «Динамо»нинг ёш ҳужумчиси Амиржон Сафаров захирадан ўйинга қўшилиб нақ 4та гол урди. Ҳа, у бир мавсум аввал биринчи лигада тўпурарлик салоҳиятини бежиз намойиш этмаган экан.
*** «Обод»нинг бутун мавсум давомида урган голларидан 33 фоизи захира ўриндиғи вакилларига тўғри келди - 15тадан 5таси.
*** Чемпионатнинг бош тўпурари Марат Бикмаев худди аввалги мавсумда бўлгани каби захирадан ўйинга қўшилган пайтлари ҳам яна эффектли ҳаракатланди - 3та гол.
*** «Бухоро» захирачилари ҳаммадан кўп гол уришди - 9та. Қолаверса, жамоада 7 нафар футболчи «жокер»лик вазифасини қойиллатди.
Факт. «Қўқон-1912» олий лига доирасидаги 370та ўйинда 134та ғалаба, 50та дуранг ва 186та мағлубият қайд этган. Тўплар нисбати: 504-701. Хуллас, Қўқон клуби якунланган мавсум дуранглар масаласида 50талик маррага етди.
Жамоа олий лигада 21та рақиб билан муроса кўчасини танлаган. Улар орасида «Бунёдкор» йўқ. Умуман, олий лигада 12 мавсум қатнашган «Қўқон-1912» (олдинги номи «Темирйўлчи») фақат 2003 йили дуранг кўчасига кирмаган.
Водий клуби дуранглар сони бўйича олий лигада 18-ўринда турибди. «Қўқон-1912»нинг «Андижон» («Наврўз») билан ўйинларида кучлар кўпроқ тенг келган - 6 марта. Жамоанинг дуранглари 4 хил ҳисобда: 1:1 - 30та, 0:0 - 10та, 2:2 - 8та, 3:3 - 2та.
ОЛИЙ ЛИГА-2017 «ЖОКЕР»ЛАРИ
|
Клуб |
Гол |
Муаллифлар |
|
«Бухоро» |
9та |
Азамат Алланиёзов, Баҳриддин Ваҳобов - 2тадан; Ивор Вейцер, Суҳроб Неъматов, Акобир Тўраев, Нозим Умуров, Жавоҳир Қаҳрамонов - 1тадан |
|
«Динамо» |
7та |
Амиржон Сафаров - 4та; Абдумалик Абдуллаев - 2та; Раду Рогак - 1та |
|
«Локомотив» |
7та |
Марат Бикмаев - 3та; Жалолиддин Машарипов, Сардор Мирзаев, Саламат Қутибоев, Азиз Омонов - 1тадан |
|
«Обод» |
5та |
Наврўз Ҳаипов, Санжар Рихсибоев - 2тадан; Ислом Исмоилов - 1та |
|
«Бунёдкор» |
4та |
Вадим Чемиртан, Фаррух Икромов, Воҳид Шодиев, Шоҳруҳ Гадоев - 1тадан |
|
«Насаф» |
4та |
Шаҳбоз Эркинов - 2та; Бобур Абдухолиқов, Шароф Муҳиддинов -1тадан |
|
«Нефтчи» |
4та |
Мўйдин Мамазулунов - 2та; Шерзод Ҳакимов, Ризо Айвазов - 1тадан |
|
«Олмалиқ» |
4та |
Забиҳилло Ўринбоев, Шота Григалашвили, Дилшод Жўраев, Ғуломҳайдар Ғуломов - 1тадан |
|
«Навбаҳор» |
3та |
Ҳасанбой Эргашев, Равшан Хурсанов, Аббос Махсталиев - 1тадан |
|
«Пахтакор» |
3та |
Суҳроб Нуруллаев, Беҳруз Содиллаев, Достон Иброҳимов - 1тадан |
|
«Шўртан» |
3та |
Евгений Кочнев - 2та; Ғулом Раҳмонов - 1та |
|
«Сўғдиёна |
2та |
Шоҳруҳ Достонов, Достон Абдураҳмонов - 1тадан |
|
«Металлург» |
2та |
Ислом Исоқжонов, Сирожиддин Аллаев - 1тадан |
|
«Машъал» |
1та |
Кенжа Тўраев - 1та |
|
«Қўқон-1912» |
1та |
Носир Отақўзиев - 1та |
|
«Қизилқум» |
- |
|
|
Жами: |
59 |
|
Фирдавс САЙФИЙ
