"Манчестер Сити" дарвозабони Клаудио Браво Англия лига кубоги 1/4 финалида "Лестер"га қарши учрашувнинг пенальтилар сериясида жамоасига катта ёрдам берди (1:1, пен - 4:3)
Чилилик посбон ўйиндан сўнг фикрлари билан ўртоқлашди.
"Ўйиндан сўнг Гвардиола мени қучоқлаб қўйди, ҳа, ҳаммаси кўрганингиздай бўлди. У пенальтилар сериясида амоага ёрдам берганим учун миннатдорчилик билдирди. Аммо бу ҳақида айтадиган бошқа гапим йўқ", - дейди Браво.
Goal нашри буни унинг бош мураббий билан муносабатларидаги совуқчилик билан боғламоқда. Браво жамоанинг захира давозабони ҳисобланади, биринчи дарвозабон Эдерсон Мораесдир.
"Реаларим ва фаолиятимни якунлаш ҳақида гапирсам, бу борада аниқ тушунчам бор. Бунга ҳали анча бор. Ҳаёт - фақат футбол дегани эмас. Манчестерда мен билан оилам яшамоқда, болаларим инглиз тилини аъло даражада ўзлаштираётганидан хурсандмиз. Клуб борасидаги масалаларни бутун оиламиз билан муҳокама қиламиз.
Ўзим хоиржамликни сақлашим ва ўз ишимни бажаришда давом этишим керак. Сабрли бўлиш керак. Бу борада менда ҳаммаси жойида, менинг ёшимда арзимаган сабаб туфайли ҳушимни йўқотмайман. Айтганимдай, ҳаётда футболдан муҳимроқ нарсалар кўп", - давом этади Браво.
