"Manchester Siti" darvozaboni Klaudio Bravo Angliya liga kubogi 1/4 finalida "Lester"ga qarshi uchrashuvning penaltilar seriyasida jamoasiga katta yordam berdi (1:1, pen - 4:3)
Chililik posbon o‘yindan so‘ng fikrlari bilan o‘rtoqlashdi.
"O‘yindan so‘ng Gvardiola meni quchoqlab qo‘ydi, ha, hammasi ko‘rganingizday bo‘ldi. U penaltilar seriyasida amoaga yordam berganim uchun minnatdorchilik bildirdi. Ammo bu haqida aytadigan boshqa gapim yo‘q", - deydi Bravo.
Goal nashri buni uning bosh murabbiy bilan munosabatlaridagi sovuqchilik bilan bog‘lamoqda. Bravo jamoaning zaxira davozaboni hisoblanadi, birinchi darvozabon Ederson Morayesdir.
"Realarim va faoliyatimni yakunlash haqida gapirsam, bu borada aniq tushuncham bor. Bunga hali ancha bor. Hayot - faqat futbol degani emas. Manchesterda men bilan oilam yashamoqda, bolalarim ingliz tilini a’lo darajada o‘zlashtirayotganidan xursandmiz. Klub borasidagi masalalarni butun oilamiz bilan muhokama qilamiz.
O‘zim xoirjamlikni saqlashim va o‘z ishimni bajarishda davom etishim kerak. Sabrli bo‘lish kerak. Bu borada menda hammasi joyida, mening yoshimda arzimagan sabab tufayli hushimni yo‘qotmayman. Aytganimday, hayotda futboldan muhimroq narsalar ko‘p", - davom etadi Bravo.
