"Манчестер Юнайтед" бош мураббийи Жозе Моуриньо АПЛнинг 19-турида "Лестер Сити"га қарши сафар учрашуви олдидан (23 декабрь) жамоаси 10 куни ичида 4 ўйин ўтказишига тўғри келадиган тақвимни танқид қилди.
Манчестерликлар "Лестер"дан сўнг "Бёрнли" (26 дек), "Саутгемптон" (30 дек) ва "Эвертон" (1 янв) билан ўйнайдилар. Шунингдек, 5 январь куни Англия кубогида "Дерби Каунти" билан куч синашадаилар.
"Биз бу вазиятдаги ягона жамоа эмасмиз. Бошқалар ҳам бор масалан, ўша "Лестер". Биз кичик текширув ўтказдик ва шу хулосага келдикки, бу кунларда АПЛ клубларининг тақвимида фарқ бор. Табиийки, имтиёзли жамоалар бор, шунингдек, бундай тақвим билан жазоланган жамоалар ҳам.
Яна ўртача қийинчиликдаги гуруҳ ҳам бор мен уларнинг орасида бўлишни истардим. Менинг жамоамга имтиёз тақдим этилмаслигини биламан, аммо ўртача гуруҳга қўшишларини истар эдим", - дейди Моуриньо.
