"Manchester Yunayted" bosh murabbiyi Joze Mourinyo APLning 19-turida "Lester Siti"ga qarshi safar uchrashuvi oldidan (23 dekabr) jamoasi 10 kuni ichida 4 o‘yin o‘tkazishiga to‘g‘ri keladigan taqvimni tanqid qildi.

Manchesterliklar "Lester"dan so‘ng "Byornli" (26 dek), "Sautgempton" (30 dek) va "Everton" (1 yanv) bilan o‘ynaydilar. Shuningdek, 5 yanvar kuni Angliya kubogida "Derbi Kaunti" bilan kuch sinashadailar.

"Biz bu vaziyatdagi yagona jamoa emasmiz. Boshqalar ham bor masalan, o‘sha "Lester". Biz kichik tekshiruv o‘tkazdik va shu xulosaga keldikki, bu kunlarda APL klublarining taqvimida farq bor. Tabiiyki, imtiyozli jamoalar bor, shuningdek, bunday taqvim bilan jazolangan jamoalar ham.

Yana o‘rtacha qiyinchilikdagi guruh ham bor men ularning orasida bo‘lishni istardim. Mening jamoamga imtiyoz taqdim etilmasligini bilaman, ammo o‘rtacha guruhga qo‘shishlarini istar edim", - deydi Mourinyo.