Мадриднинг “Реал” клуби ҳимоячиси Марсело “Барселона”га учралган мағлубият (0:3) дан сўнг ўз фикрларини билдириб ўтди.
“Иккинчи гол ва қизил карточка вазифамизни янада қийинлаштирди. Биринчи бўлимда яхши ўйнаган эдик.
Ҳатто, иккита гол ўтказиб юборгандан кейин ҳам гол уриш учун ҳаракат қилдик. Аммо ўзингиз кўриб турибсиз, нималар бўлганини.
Энди ҳаракатда тўхтаб қолмаслигимиз керак. Баъзи кунлар омадли баъзи кунлар омадсиз бўлади. Биз Зидан билан охиригача биргамиз.
“Реал” футболчилари уни тўлиқ қўллаб-қувватлашади. Бу ерда ҳеч қандай шубҳа бўлмаслиги керак. Балки, мухлислар биз Зидан билан бу йил қўлга киритган совринларимизни эсидан чиқариши мумкин. Лекин бугун бизнинг тарихий юришимиз якунига етмади.
“Реал” ғалаба қозониш учун қўлидан келган ишни амалга оширди, аммо “Барселона” гол уришда бизни мағлуб этди”, – дейди Марсело.
