Каталониянинг “Барселона” жамоаси ярим ҳимоячиси Андрес Иньеста Примеронинг 17-тури доирасида “Реал” устидан қозонилган ғалаба ҳусусида тўхталди.
“Асосий рақобатчи майдонида уч очкони қўлга киритдик ва Примерони ютиш учун катта қадам ташладик. Жамоани ғалаба билан табриклайман.
Олдимизда мухим ўйинлар жуда кўп, шунинг учун ҳам “Реал”ни ҳисобдан чиқариш керак эмас. Спортда ҳамма нарса бўлиши мумкин. Биринчи бўлимда “Реал” тез-тез дарвозамиз олдида хавфли вазиятлар яратиб турди. Аммо биз ўз вақтимизни кутдик.
Иккинчи бўлимда эса “Барселона”нинг ўйини кучайди ва учта гол уришга эришдик”, - дейди Иньеста.