Сўнгги 8 мавсум статистикаларини умумлаштирсак, атиги 11 нафар футболчи 50тадан кўпроқ гол ургани ойдинлашади.

Буни Лионель Месси ва Криштиану Роналду кўрсаткичларига таққосламасак ҳам, тўпурарларимизга барқарорлик етишмаётгани шундоқ кўриниб турибди.

Шунча муддатда 50та гол маррасидан ошганлар орасида фахрий ҳужумчи, охирги мавсум биринчи лигада ўйнаган Анвар Бердиев ҳам бор. Олий лига-2017 тўпурари Марат Бикмаев эса бу йилги 26та голи эвазига элит рўйхатга қўшилди.

Легионер тўпурар. 33 ёшини қаршилаган туркманистонлик Артур Геворкян «Насаф»да ўтказган 6 мавсумида 64та гол урганди. У айниқса, чемпионат-2014да ўта самарали ўйнаган - барча учрашувларда тўлиқ вақт ҳаракатланиб, 18та голга муаллифлик қилганди.

Икки клубли голеадор. 2012, 2013, 2015 ва 2016 йилги мавсумларда 2тадан жамоа шарафини ҳимоя қилган Мўйдин Мамазулунов сўнгги 8 йилда жами 68та голдан хирмон ясади.

Голли серия. 1987 йилнинг 6 октябрь куни Сербиянинг Кикин шаҳрида туғилган ва сўнгги 2 мавсумдан буён «Насаф» шарафини ҳимоя қилаётган ҳужумчи Драган Черан чемпионат-2017 финишидаги 5та ўйинда узлуксиз гол урди, яъни майдонни голсиз тарк этмади.

Умидли тўпурар. 1996 йилнинг 24 июлида туғилган бекободлик Достонбек Ҳамдамов охирги 4 мавсумда «Бунёдкор» учун 37та гол уриш баробарида 14 марта сариқ карточка олди. У олий лигададаги 37-голини 25 ноябрь куни «Локомотив»га қарши кечган ўйинда нишонлади.

Охирги 8 мавсум тўпурарлари (умумий ҳисобда) ДАВОМИ