«Ливерпуль» клуби бош мураббийи Юрген Клопп жамоасининг ўйини ҳақида сўз юритди.

«4-5-1 схемаси остида ҳимоядан ўйнаяпмиз. Ҳар бир футболчи ҳимояга ёрдам беряпт.

Шу кўринишда ҳужумларни ҳам ташкил қиляпмиз ва ҳаммаси яхши кечмоқда. Майдонда ҳимояқий ўйинни билмайдиган футболчи йўқ.

Ўзим ҳам биринчи навбатда ҳимоя ҳақида ўйламоқдаман. Бу энг муҳими эканлигини яхши биламан. Барча орқа чизиққа қайтиб, 10 киши билан ҳужумга чиқсангиз гол уриш ҳам анча осонлашади.

Аммо бу ўйинимизни фақат «Энфилд»да эмас, исталган майдонда кўрсата олишимиз керак» – дейди Клопп.

Маълумот учун, «Ливерпуль»нинг мағлубиятсиз серияси 13та ўйинга етди. «Қизиллар» охирги маротаба 22 октябрь куни «Тоттенхэм»га қарши ўйинда имкониятни бой беришганди (1:4).