Англия Премьер-Лигасининг 20-туридан ўрин олган “Манчестер Юнайтед” ҳамда “Бёрнли” жамоалари ўртасидаги учрашув якунига етди.

Учрашувда “Манчестер Юнайтед” 0:2 ҳисобида ортда бораётган бўлсада, якунда иродали дурангга эришди.

Дастлаб, меҳмонлар 3-дақиқада тезкор гол уришди, 36-дақиқада Дефур жарима зарбасидан Де Хеани супер зарбаси билан доғда қолдирди.

Ўйиннинг 53-дақиқасига келиб, Жесси Лингард катта саҳнага чиқди ва оёғининг орқа томони билан гол уриб, ҳисобни қисқартирди. Ҳакам томонидан қўшиб берилган дақиқаларда яна Лингард ўзини кўрсатиб, рақиб ҳимоячилари хатосидан унумли фойдаланди ва якунда жамоасининг иродали дурангини таъминлади. Аслини олганда бугун “қизил иблислар” ўз майдонларида зўрға дуранг натижасини ушлаб қолишди.

АПЛ. 20-тур.

Манчестер Юнайтед – Бёрнли 2:2.

Голлар: 0:1 – 3 Барнс, 0:2 – 36 Дефур, 1:2 – 53 Лингард, 2:2 – 90 Лингард.

Манчестер Юнайтед – Де Хеа, Рохо (Лингард, 46), Джонс, Шоу, Янг, Мата, Погба, Матич, Рэшфорд, Лукаку, Ибрагимович.

Бёрнли – Поуп, Лонг, Тэйлор, Бардсли, Ми, Хендрик, Корк, Дефур (Воукс, 67), Гудмундссон, Арфилд, Барнс (Уолтерс, 81).

Огоҳлантиришлар: Рохо (2), Барнс (4), Тэйлор (34), Шоу (52), Мхитарян (59), Гудмундссон (65), Бардсли (69), Поуп (71), Воукс (79), Корк (90).