«Наполи» Европанинг кучли бешлик чемпионатлари клублари орасида, 2017 йилда сафар ўйинларида мағлуб бўлмаган ягона жамоага айланди. Янги йил арафасида неаполликлар «А» серияси доирасида «Кротоне» 1:0 ҳисобида мағлуб этишди. Шу тариқа турнир жадвалида яна пешқадамга айландилар.
2017 йилда «Наполи» Италия «А» сериясида 18та ўйин ўтказди. Жамоа сафар ўйинларида охирги марта 2016 йилнинг 29 октябрида мағлуб бўлган. Ўшанда Туринда «Ювентус» «Наполи»ни доғда қолдирганди. Шундан сўнг неаполликлар 20та ғалаба қозониб, уч марта дуранг ўйнашди.
Шунингдек, «Наполи» чемпионатнинг биринчи қисмида 48 очко жамғариб клуб рекордини ўрнатди. Бу жамоанинг 1988-1989 йиллар мавсумидан буён «А» сериядаги энг яхши натижасидир.
