“Манчестер Юнайтед” жамоаси ярим ҳимоячиси Эшли Янг 3 ўйинга дисквалификация қилинди.

FA футболчининг “Саутгемптон” (0:0) билан ўйиндаги ҳатти-ҳаракатлари учун бу жазона берди. Камераларнинг тасдиқлашича, футболчи рақиби Душан Тадичга тирсаги билан зарба берган. Бунга Крэйг Поусон бошчилигидаги ҳакамлар бригадаси ҳеч қандай эътибор бермаган.

“Эшли Янги “Манчестер Юнайтед” иштирокидаги яқин 3 учрашувни ўтказиб юборади. Футболчи “Саутгемптон” билан учрашувда рақибида тирсаги билан берган зарбасига кўра шу жазога лойиқ кўрилди”, - деб ёзилади ассоциация расмий баёнотида.

Энди Янг “Эвертон”, “Сток Сити” ва Англия Кубоги доирасида “Дерби Каунти” билан учрашувларда майдонга тушмайди.