“Manchester Yunayted” jamoasi yarim himoyachisi Eshli Yang 3 o‘yinga diskvalifikasiya qilindi.
FA futbolchining “Sautgempton” (0:0) bilan o‘yindagi hatti-harakatlari uchun bu jazona berdi. Kameralarning tasdiqlashicha, futbolchi raqibi Dushan Tadichga tirsagi bilan zarba bergan. Bunga Kreyg Pouson boshchiligidagi hakamlar brigadasi hech qanday e’tibor bermagan.
“Eshli Yangi “Manchester Yunayted” ishtirokidagi yaqin 3 uchrashuvni o‘tkazib yuboradi. Futbolchi “Sautgempton” bilan uchrashuvda raqibida tirsagi bilan bergan zarbasiga ko‘ra shu jazoga loyiq ko‘rildi”, - deb yoziladi assosiasiya rasmiy bayonotida.
Endi Yang “Everton”, “Stok Siti” va Angliya Kubogi doirasida “Derbi Kaunti” bilan uchrashuvlarda maydonga tushmaydi.
