"Ювентус" бош мураббийи Массимилиано Аллегри Италия кубогида "Торино" устидан қозонилган ғаладан сўнг (2:0) фикрлари билан ўртоқлашди.
"Йигитлар бу учрашувга тўғри ёндошдилар ва биз яримфиналга йўл олдик. Биринчи бўлимда бироз таваккал қилдик, иккинчисида вазиятларимиз кўп бўлди. Ўйиндан манунман. Энди А серияда шанба кунги "Кальяри" билан учрашувга тайёрланамиз.
Бошқа топ-клублар мусобақадан чиқиб кетдилар, биз эса олға интилмоқдамиз, шунинг учун мақсадимиз аён. "Аталанта" ҳақли равишда "Наполи"ни ютди ва яримфиналга чиқди. Шунинг учун улар билан осон ўйин бўлмайди. Бу ўйинга ҳам яхши тайёргарлик кўрамиз", - дейди Аллегри.
