"Реал" сардори Серхио Рамоснинг жароҳат олганлиги маълум бўлди.
Жамоа бош мураббийи ҳимоячини Испания кубоги 1/8 финалида "Нумансия"га қарши учрашувга (3:0) олиб кетмади.
Маълум бўлишича, Рамоснинг чап оёғи мушаклари лат еган. Бугунги тиббий текширувда ана шу ташхис қўйилган. Бу ҳақида "Реал" матбуот маркази хабар берган. Норасмий манбаларга кўра, футболчи икки ҳафтага сафдан чиққан.
Шу тариқа Рамос 7 январь куни Ли лиганинг 18-турида "Сельта"га қарши учрашувда майдонга туша олмайди.