«Эвертон» ярим ҳимоячиси Росс Баркли расман «Челси» футболчисига айланди. 24 ёшли футболчи «кўклар» билан беш йиллик шартнома имзолади.
Баркли янги жамоаси сафида 8-рақамда ҳаракат қилади. Бу рақам олдин жамоа афсонаси Френк Лэмпардга тегишли эди.
Маълум бўлишича мазкур трансфер «Челси»га 15 миллион еврога тушган.
Эслатиб ўтамиз, Англия чемпионлари Барклини ўтган ёздаёқ сотиб олишга урунишган, аммо тиббий кўрик вақтида футболчи фикрини ўзгартириб қолганди.