“Барселона” ва “Ливерпуль” клублари ярим ҳимоячи Филиппе Коутиньо трансфери борасида сўнгги музокараларни ўтказишди.

Хабарда айтилишича, “Ливерпуль” каталонияликларнинг 120 миллион евролик ва турли ҳил бонуслар учун яна 40 миллионлик таклифини қабул қилган.25 ёшли футболчи “Барселона” билан беш йиллик шартнома имзолайди.

Таъкидлаш жоизки, томонлар бонуслар учун тўланадиган 40 миллион еврони тўлаш ва қабул қилиб олиш шартларини ҳали якунига етказишмаган.

“Ливерпуль” Коутиньо трансферидан 10 миллион евролик бонусга аниқ эга чиқади. Қолган 30 миллион евро эса Коутиньо “Барселона” таркибида катта ютуқларга эриша олсагина, кейин тўлаб берилади.