Испания чемпионатининг 18-тури доирасида "Барселона" ўз майдонида "Леванте"ни қабул қилди ва йирик ҳисобда ғалаба қозонди.

Учрашувнинг 12-дақиқасидаёқ мезбонлар ҳисобни очишга муваффақ бўлишди.  Месси жарима майдончаси ташқарисида тўпни қабул қилиб, чап қанотдан ичкарига кираётган Альбага ҳаводан узатма берди. Хорди бош билан тўпни жарима майдончасининг марказига қайтарди. Месси эса тўпни ерга туширмасдан зарба берди. Тўп олис устунга тегиб, тўрга бориб тушди.

Биринчи бўлим тугашига 7 дақиқа қолганида "кўк-анорранглилар" иккинчи голни рақиб дарвозасига уришди.  Сержи Роберто ўнг қанотдан жарима майдончасига узатма берди. Луис Суарес эса тўпни эгаллади ва кучли зарба билан дарвозани ишғол қилди.

Иккинчи бўлимда Вальверде анча хотиржам ҳаракат қилишди. Фақатгина бўлимга қўшиб берилган дақиқаларда ҳисоб йирик кўринишга келтирилди. Лео Месси рақиб жарима майдончаси ичида 2-3 футболчини алдади ва дарвозабон майдончасига узатма берди. Паулиньо тўпга оёқ қўйди ва гол!

Ушбу ғалабадан кейин "Барселона" ўз очколарини 48тага етказди ва Ла лигада пешқадамлик қилишда давом этади.

Испания Ла лигаси, 18-тур
Барселона – Леванте 3:0 (2:0)
Голлар: 1:0 – 12 Месси, 2:0 – 38 Суарес, 3:0 – 90 Паулиньо.
Барселона – тер Штеген, Вермален, Маскерано, Альба, Паулиньо, Серджи Роберто (Хосе Арнаис, 85), Иньеста (Андре Гомеш, 76), Ракитич, Дембеле (Нелсон Семеду, 67), Месси, Суарес.
Леванте – Оласабаль, Кабако, Луна, Мур, Постиго, Лерма (Робер, 62), Лукич, Дукуре, Жейсон (Саму, 83), Иви Лопес, Боатенг (Нано, 74).
Огоҳлантиришлар: Лерма (8), Постиго (31), Боатенг (70), Робер (84).