Ispaniya chempionatining 18-turi doirasida "Barselona" o‘z maydonida "Levante"ni qabul qildi va yirik hisobda g‘alaba qozondi.

Uchrashuvning 12-daqiqasidayoq mezbonlar hisobni ochishga muvaffaq bo‘lishdi.  Messi jarima maydonchasi tashqarisida to‘pni qabul qilib, chap qanotdan ichkariga kirayotgan Albaga havodan uzatma berdi. Xordi bosh bilan to‘pni jarima maydonchasining markaziga qaytardi. Messi esa to‘pni yerga tushirmasdan zarba berdi. To‘p olis ustunga tegib, to‘rga borib tushdi.

Birinchi bo‘lim tugashiga 7 daqiqa qolganida "ko‘k-anorranglilar" ikkinchi golni raqib darvozasiga urishdi.  Serji Roberto o‘ng qanotdan jarima maydonchasiga uzatma berdi. Luis Suares esa to‘pni egalladi va kuchli zarba bilan darvozani ishg‘ol qildi.

Ikkinchi bo‘limda Valverde ancha xotirjam harakat qilishdi. Faqatgina bo‘limga qo‘shib berilgan daqiqalarda hisob yirik ko‘rinishga keltirildi. Leo Messi raqib jarima maydonchasi ichida 2-3 futbolchini aldadi va darvozabon maydonchasiga uzatma berdi. Paulinyo to‘pga oyoq qo‘ydi va gol!

Ushbu g‘alabadan keyin "Barselona" o‘z ochkolarini 48taga yetkazdi va La ligada peshqadamlik qilishda davom etadi.

Ispaniya La ligasi, 18-tur
Barselona – Levante 3:0 (2:0)
Gollar: 1:0 – 12 Messi, 2:0 – 38 Suares, 3:0 – 90 Paulinyo.
Barselona – ter Shtegen, Vermalen, Maskerano, Alba, Paulinyo, Serdji Roberto (Xose Arnais, 85), Inyesta (Andre Gomesh, 76), Rakitich, Dembele (Nelson Semedu, 67), Messi, Suares.
Levante – Olasabal, Kabako, Luna, Mur, Postigo, Lerma (Rober, 62), Lukich, Dukure, Jeyson (Samu, 83), Ivi Lopes, Boateng (Nano, 74).
Ogohlantirishlar: Lerma (8), Postigo (31), Boateng (70), Rober (84).