“Барселона” ярим ҳимоячиси Филиппе Коутиньо Каталония клубига ўтгандан сўнг янги жамоадошлари ҳақида ўз фикрларини билдириб ўтди.

“Месси – буюк футболчи, мен учун у билан ўйнаш катта шараф. “Барселона”да ўйнашни орзу қилардим. Ажойиб имкониятни қўлдан бой бермаслик учун ўйлаб ўтирмай Испанияга келиш ҳақида ўйладим. Майли ЕЧЛ ўйинларида ўйнай олмайман, лекин менда яна “Барселона”га ёрдам бериш учун 5 мавсум бўлади.

Яна Суарес билан ўйнайман, у менга доим ёрдам берган яқин дўстим ҳисобланади.

Дунё футболи учун муҳим саналадиган клуб либосини кийиш, албатта ҳаяжонли. Сабрсизлик билан майдонга тушишимни кутаман”, – деди Коутиньо.