“Barselona” yarim himoyachisi Filippe Koutinyo Kataloniya klubiga o‘tgandan so‘ng yangi jamoadoshlari haqida o‘z fikrlarini bildirib o‘tdi.

“Messi – buyuk futbolchi, men uchun u bilan o‘ynash katta sharaf. “Barselona”da o‘ynashni orzu qilardim. Ajoyib imkoniyatni qo‘ldan boy bermaslik uchun o‘ylab o‘tirmay Ispaniyaga kelish haqida o‘yladim. Mayli YECHL o‘yinlarida o‘ynay olmayman, lekin menda yana “Barselona”ga yordam berish uchun 5 mavsum bo‘ladi.

Yana Suares bilan o‘ynayman, u menga doim yordam bergan yaqin do‘stim hisoblanadi.

Dunyo futboli uchun muhim sanaladigan klub libosini kiyish, albatta hayajonli. Sabrsizlik bilan maydonga tushishimni kutaman”, – dedi Koutinyo.