Саккиз карра олимпиада чемпиони машхур спринтерчи Усейн Болт футболчи бўлишни истаётгани ҳақида маълум қилди.

“Жароҳатдан фориғ бўлдим ҳозир яхши ҳолатдаман. Март  ойида “Боруссия Дортмунд”нинг тиббий кўригидан ўтаман. Шундан сўнг, футболчи бўла оламанми йўқми деган саволга жавоб топаман. Агар “Боруссия” шифокорлари ўйнай олишимни тасдиқлашса, машғулотларни ўша куннинг ўзиданоқ бошлаб юбораман. Орзуйим “Манчестер Юнайтед” билан шартнома имзолаш. Сер Алексдан ёрдам сўрадим. Яхши жисмоний ҳолатга келиб олсам у албатта ёрдам беришини айтди”, - дейди Болт.

Эслатиб ўтамиз, ямайкалик атлет бу йили 32 ёшни қаршилайди.