Sakkiz karra olimpiada chempioni mashxur sprinterchi Useyn Bolt futbolchi bo‘lishni istayotgani haqida ma’lum qildi.
“Jarohatdan forig‘ bo‘ldim hozir yaxshi holatdaman. Mart oyida “Borussiya Dortmund”ning tibbiy ko‘rigidan o‘taman. Shundan so‘ng, futbolchi bo‘la olamanmi yo‘qmi degan savolga javob topaman. Agar “Borussiya” shifokorlari o‘ynay olishimni tasdiqlashsa, mashg‘ulotlarni o‘sha kunning o‘zidanoq boshlab yuboraman. Orzuyim “Manchester Yunayted” bilan shartnoma imzolash. Ser Aleksdan yordam so‘radim. Yaxshi jismoniy holatga kelib olsam u albatta yordam berishini aytdi”, - deydi Bolt.
Eslatib o‘tamiz, yamaykalik atlet bu yili 32 yoshni qarshilaydi.
