Шу кунларда Ўзбекистон футбол федерацияси вакиллари вилоятларда бўлиб, клубларнинг фаолиятини ўрганиб чиқишмоқда. Айнан шундай ташриф билан бугун Асқар Толибжонов бошчилигидаги ЎФФ вакиллари Наманган шаҳрига етиб келишди.
Меҳмонлар “Марказий” ўйингоҳда жойлашган клуб офисида Наманган вилоят футбол федерацияси ва “Навбаҳор” футбол клуби раҳбарияти билан суҳбат ўтказиб, зарур ҳужжатлар билан танишишди.
Шундан сўнг ЎФФ вакиллари “Марказий” ўйингоҳда яратилган шарт-шароитларни кўздан кечиришди. Кейинги манзил “Навбаҳор-Умид” футбол мактаби бўлди.
Меҳмонлар футбол мактабида тарбияланувчилар учун яратилган шароитлар билан ҳам яқиндан танишиб, футбол мактаби раҳбарияти ва мураббийлари билан суҳбатд уюштиришди.
Куннинг иккинчи ярмида меҳмонлар Наманган шаҳридаги “Баркамол авлод” спорт мажмуаси билан танишишди.
Режага кўра “Навбаҳор” аёллар ва футзал жамоалари 2018 йилги мавсумдан ўрин олган учрашувларни айнан шу мажмуада жойлашган спорт иншоотларида ўтказишади.
“Навбаҳор” ФК матбуот хизмати.
