"Леванте"нинг қора танли яримҳимоячиси Жефферсон Лерма Испания чемпионатида "Сельта" билан учрашувда (0:1) рақиби Яго Аспас томонидан ирқий камситилганини маълум қилди.
"Ирқий кҳақоратга йўл қўймаслик керак. Аспас мени "қора ғоз" деб атади. Буни ҳакамга маълум қилдим, аммо ҳакам бундай шикоятлар унинг жонига текканини айтди (ҳакам Альфонсо Искиерда бу воқеани протоколга киритмади).
"Умид қиламанки, видеоматериаллар буни тасдиқлайди. Мен Испанияда бунга биринчи марта дуч келяпман", - дейди колумбиялик футболчи.
Кейинроқ Лерма Инстаграмда "Ирқчилик йўқ бўлсин!" номли иллюстрация қўйди, "Леванте" буни "Футболда ирқчиликка ўрин йўқ" дея қўллаб-қувватлади
