Мадриднинг “Реал” клуби ҳимоячиси Даниэль Карвахаль “Вильярреал”га қарши ўйин (0:1) дан сўнг учрашув ҳақида фикрларини билдириб ўтди.
“Натижа биз кутгандек бўлмади. Иккинчи бўлимда толиқиб қолганимиз учун жазоландик. Лекин, бизда кўпроқ хавфли вазиятлар юзага келди. Биз ҳозир ёмон ахволдамиз, ким бизни жамоамизга ишонмаса, марҳамат қилиб кетиши мумкин. Хавфли вазиятлардан фойдалана олмаганимизни тушунтириш қийин. Бундай ўйинидан сўнг ечиниш хонасига ёмон кайфиятда киришга тўғри келади, аммо бу футбол. Умид қиламанки мавсум сўнгида бирор бир совринни қўлга киритамиз”, - деди Карвахаль.