«Манчестер Сити» ҳужумчиси Габриэл Жезус тез орада жамоанинг умумий гуруҳ машғулотларига қайтиши мумкин.
Футболчи 31 декабрь куни «Кристал Пэлас»га қарши ўйин (0:0)да жароҳат олганди. У олти ҳафта ўйнай олмаслиги хабар қилинганди.
Бироқ «Манчестер Сити» устози Пеп Гвардиола бугун бўлиб ўтган матбуот анжуманида Жезус жорий ой охиригача сафга қайтишини маълум қилди.
«Габриэл кеча Барселонадаги шифохонада бўлди. Умид қиламанки, у 2 – 3 ҳафтада сафга қайтади ва «Базель»га қарши Чемпионлар лигасидаги учрашувда жамоамизга ёрдам бера олади» – дейди каталониялик мутахассис.
