Уммонга қарши учрашувдан сўнг учрашувнинг энг яхши футболчиси деб эътироф этилган терма жамоа ҳимоячиси Достон Турсунов ОФК вакиллари саволларига жавоб берди.
“Гол урганимдан албатта, бахтлиман. Гол уриб, жамоага ғалаба келтириш ёқимли. Чорак финал йўлланмасини қўлга киритганимиз бизга яна куч беради. Энди кейинги учрашувга бундан ҳам жиддийроқ тайёргарлик кўрамиз”, - деди ҳимоячи.
- Рақиб бугун қандай таассурот қолдирди?
- Уммон ёшлар терма жамоаси бизга жуда ёқди. Жамоа бугун ажойиб ўйнади. Тўпни ушлаб туриш, тезкор ҳужумлар, умуман гуруҳдаги энг қийин рақиб айнан Уммон дея оламан.
- Чорак финалда ким рақиб бўлишини истайсиз? Масалан, Япония ҳозир гуруҳда биринчи ўринни қўлга киритиши мумкин.
- Чорак финалда кучсиз жамоа бўлмайди ва бизга ким рақиб бўлишидан қатъий назар биз фақат ғалаба учун ўйнаймиз.
- Бугунги учрашувда жамоадошларингизнинг ўйинидан кўнглингиз тўлдими?
- Биз бугунги учрашувда бир жамоа сифатида ҳаракат қилдик. Ғалаба жамоаники. Жамоа қандай ҳаракат қилгани ҳақида фикр билдириш бироз қийин.
