Каталониянинг “Барселона” клуби ярим ҳимоячиси Рафинья Алькантара январь ойида жамоасини алмаштириши мумкин.
Mundo Deportivo нашрининг хабарига кўра, Рафинья Миланнинг “Интер” клуби билан келушувга эришган ва трансфер расман бугун эълон қилиниши мумкин.
“Интер” 24 ёшли футболчи учун 30–35 миллион евро таклиф қилмоқчи. Аммо “анорранглилар” Алькантара учун камида 45 миллион (5 миллион қўшимча мукофот пулллар) эвазига қўйиб юбормоқчи. Ҳозирча икки томон испаниялик футболчи трансфери бўйича келушиб олишмаган. Лекин Рафинья “Интер” билан шахсий шартнома бўйича келишиб олгани ҳақида юқорида айтиб ўтдик. Футболчининг кейинги тақдири “Интер” спорт директори Пьеро Аузилиога боғлиқ бўлади.
