"Барселона" ҳимоячиси Херард Пике Испания чемпионатининг чорак финалида "Эспаньол"га қарши жавоб учрашувида трибуналардан ҳақорат эшитмасликка умид қилмоқда.
"Эспаньол" стадионида ўтган биринчи ўйинда (0:1) Пике мухлислардан ҳақорат эшитди. Шу билан бирга ишқибозлар футболчининг турмуш ўртоғи, машҳур қўшиқчи Шакирани ҳам эслаганлар.
"Эспаньол" стадионида доим қийин муҳит бўлади. Аммо буни мен ҳал қила олмайман. Умид қиламанки, жавоб учрашувида ҳеч ким ҳақорат қилинмайди ва майдонга бегона буюмлар отилмайди", - дейди Пике.
Жавоб учрашуви 25 январь куни "Камп Ноу"да бўлиб ўтади.
