Каталониянинг “Барселона” клуби бош мураббийи Эрнесто Вальверде Рафинья Алькантаранинг “Интер”га ўтишини тасдиқлади.

“Рафинья бугунги машғулотларда қатнашмади, чунки у муҳим саволга жавоб бериш билан банд эди. У аввалроқ жароҳат олганди, биз у билан келажаги ҳақида гаплашиб олдик. Рафиньяга кўпроқ ўйин амалиёти керак. “Барселона”да унинг ўрнида ўйнайдиган футболчилар етарли. Умид қиламанки, у бошқа жамоада кўпроқ ўйин амалиётига эга бўлади.

Деулофеу ҳозир ўйнамаяпти, лекин Жерар “Бетис”га қарши учрашувда асосий таркибда майдонга тушиши мумкин”, — деди Вальверде.

Маълумот учун, Рафинья тез кунларда “Интер”га 35 миллион евро эвазига бориб қўшилади.