Kataloniyaning “Barselona” klubi bosh murabbiyi Ernesto Valverde Rafinya Alkantaraning “Inter”ga o‘tishini tasdiqladi.

“Rafinya bugungi mashg‘ulotlarda qatnashmadi, chunki u muhim savolga javob berish bilan band edi. U avvalroq jarohat olgandi, biz u bilan kelajagi haqida gaplashib oldik. Rafinyaga ko‘proq o‘yin amaliyoti kerak. “Barselona”da uning o‘rnida o‘ynaydigan futbolchilar yetarli. Umid qilamanki, u boshqa jamoada ko‘proq o‘yin amaliyotiga ega bo‘ladi.

Deulofeu hozir o‘ynamayapti, lekin Jerar “Betis”ga qarshi uchrashuvda asosiy tarkibda maydonga tushishi mumkin”, — dedi Valverde.

Ma’lumot uchun, Rafinya tez kunlarda “Inter”ga 35 million yevro evaziga borib qo‘shiladi.