Ўзбекистон U23 терма жамоаси Осиё чемпионати финалида Вьетнамни 2:1 ҳисобида мағлуб этиб, чемпион бўлди.
Натижада, ёшлар таркибидан ўрин олган тўрт нафар футболчимиз - Достонбек Ҳамдамов, Жавоҳир Сиддиқов, Акром Комилов ва Отабек Шукуров фаолиятида иккинчи марта Осиё чемпионати олтин медалларини қўлга киритдилар.
2012 йилда улар Ўзбекистон U16 таркибида қитъамиз бош мусобақасида ғолиб бўлган эдилар.
Қизиғи шундаки, бу футболчилардан Отабек Шукуров БААнинг «Шаржа» клуби билан шартнома имзолагани учун, Осиё чемпионатига боролмади. Бироқ, мусобақа заявкасига киритилгани сабабли, барибир олтин медалга эга бўлди.
