O‘zbekiston U23 terma jamoasi Osiyo chempionati finalida Vyetnamni 2:1 hisobida mag‘lub etib, chempion bo‘ldi.
Natijada, yoshlar tarkibidan o‘rin olgan to‘rt nafar futbolchimiz - Dostonbek Hamdamov, Javohir Siddiqov, Akrom Komilov va Otabek Shukurov faoliyatida ikkinchi marta Osiyo chempionati oltin medallarini qo‘lga kiritdilar.
2012 yilda ular O‘zbekiston U16 tarkibida qit’amiz bosh musobaqasida g‘olib bo‘lgan edilar.
Qizig‘i shundaki, bu futbolchilardan Otabek Shukurov BAAning «Sharja» klubi bilan shartnoma imzolagani uchun, Osiyo chempionatiga borolmadi. Biroq, musobaqa zayavkasiga kiritilgani sababli, baribir oltin medalga ega bo‘ldi.
